मोन'क कोन सं
***************
छल निजगुत हमर एकटा खोंता एतै
बूझल छल कहाँ जे बिखरि ई जेतै
सभ अप्पन रहय खाम्ह ढाहय बला
आसहि टा रहल घ'र सम्हरि ई जेतै
भेल चेतौनी सेहो नहि मानल मोदा
सोचल जे भरोस की भहरि ई जेतै
आब बसाते बहल छै माहुर सं भरल
हमरा कहने की अन्हर ठहरि ई जेतै
तैयो हिय में रहल अगबे नेहे सरल
सगरो संसार धरि की पसरि ई जेतै
मोन होइए जे कनितौं मोदा की करू
जं कानब त' दुनियाँ बदलि की जेतै
- प्रणव कान्त झा
२३ अगस्त, २०१६.
कोई टिप्पणी नहीं:
एक टिप्पणी भेजें